Charter Document - 05880132
| Charter Number: | 05880132 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus filius Ade de Glapwell dedi concessi et hac presenti carta mea confirmaui Hugoni de Kirlington manenti in Glapwell et Matildi uxori sue et heredibus suis siue assignatis unam dimidiam acram terre iacentem in campo orientali de Glapwell inter terram dicti Hugonis et terram quondam Roberti Harang et capud australe buttat super viam que se ducit uersus Pleseley et capud boriale buttat super viam que se ducit uersus Hocton Tenendam et habendam predictis Hugoni et Matildi uxori sue et heredibus suis siue assignatis libere quiete honorifice et pacifice iure hereditarie in perpetuum cum omnibus libertatibus et aysiamentis et liberis introitu et exitu sine aliqua contradictione uel retenemento Reddendo inde annuatim mihi et heredibus meis siue assignatis pro dicta dimidia acra terre cum pertinenciis i clauum gariophili ad festum Natiuitatis domini tantum pro omni seruicio in omnibus Ego vero dictus Rogerus et heredes mei siue assignati predictam dimidiam acram terre cum pertinenciis predictis Hugoni et Matildi uxori sue et heredibus suis siue assignatis contra omnes homines et feminas warantizabimus acquietabimus et ubique pro predicto seruicio defendemus in perpetuum Pro hac autem donacione concessione et presentis carte mee confirmacione dederunt mihi predicti Hugo et Matildis uxor eius quamdam summam pecunie pre manibus in gersumma Et quia volo quod hec mea donacio concessio et presentis carte mee confirmacio firme et stabiles in perpetuum permaneant hanc presentem cartam sigilli mei impressione roboraui Hiis testibus Symone de Glapwell Johanne de Scardecliue clerico Ricardo filio Hugonis de Glapwell Roberto Harang de eadem Johanne filio Rogeri de Somerford Johanne de Walley capellano et aliis