Charter Document - 05880129
| Charter Number: | 05880129 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1280 |
| Date type: | Internal, A.D., Regnal |
| Resource Link(s): |
|
Charter:
Sciant presentes et futuri quod ego Rogerus filius Ade de Glapwell concessi et presenti carta mea confirmaui ac pro me et heredibus meis omnino quietum clamaui deo et ecclesie beate Marie de Derleg et canonicis ibidem deo seruientibus unum mesuagium et unam dimidiam bouatam terre cum omnibus pertinenciis suis in villa et territorio de Glapwell illud scilicet mesuagium et illam dimidiam bouatam terre cum pertinenciis que iidem canonici habuerunt ex dono aliquando et concessione Radulfi de Rerisby Tenenda et habenda eisdem canonicis et eorum successoribus in liberam puram quietam et perpetuam elemosinam cum omnibus pertinenciis libertatibus et aysiamentis suis inperpetuum Ita quod nec ego nec heredes mei aliquo ius clamium uel demandam in predictis mesuagio et dimidia bouata terre cum pertinenciis exigere uel vendicare poterimus inperpetuum Ego vero Rogerus et heredes mei dictum mesuagium et dictam dimidiam bouatam terre cum omnibus pertinenciis suis dictis canonicis et eorum successoribus ut puram et perpetuam elemosinam contra omnes gentes warantizabimus adquietabimus et defendemus inperpetuum Pro hac autem concessione confimacione quieta clamacione et warantia dederunt michi dicti abbas et conuentus sexdecim solidos argenti In cuius rei testimonium presenti scripto sigillum meum apposui Hiis testibus domino Willelmo de Herdwyk milite domino Rogero de Draycot clerico Rogero de Sumervile Roberto le Graunt Symone de Glap Willelmo de Leyk et aliis Datum anno gratie MCC octuagesimo primo anno vero regni regis Edwardi nono itinerantibus tunc temporis iusticiariis domini regis apud Derby videlicet domino Johanne de Vaus domino Willelmo de Saham cum sociis s[uis]