Charter Document - 05880128
| Charter Number: | 05880128 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 - 1280 |
| Date type: | Assigned |
| Resource Link(s): |
|
Charter:
Nouerint uniuersi hoc scriptum visuri uel audituri quod cum ego Rogerus filius et heres Ade de Glapwell dederim et omnino quietum clamauerim de me et heredibus meis abbati et conuentui de Derleg et eorum successoribus in puram et perpetuam elemosinam sex denarios annui redditus quos abbas et conuentus de Bello Capite michi soluere tenebantur annuatim pro terris et tenementis cum pertinenciis quas habuerunt ex dono et concessione antecessorum meorum in Glapwell et quas terras cum pertinenciis abbas et conuentus de Derleg tenent de abbate et conuentu de Bello Capite simul cum aliis terris in Glapwell Concedo pro me et heredibus meis dictis abbati et conuentui de Bello Capite quod in posterum nichil iuris uel clamii in predictis sex denariis annui redditus uel in eorum prouentibus seu recognicionibus exigemus uel vendicabimus imperpetuum Set nichilominus ego dictus Rogerus et heredes mei seu assignati dictas terras et tenementa cum pertinenciis dictis abbati et conuentui de Bello Capite in puram et perpetuam elemosinam contra omnes gentes warantizabimus et defendemus In cuius rei testimonium presenti scripto pro me et heredibus meis sigillum meum apposui Hiis testibus Roberto le Graunt de Languat Thoma filio Willelmi de Glapwell Symone filio Hugonis de eadem Willelmo de Hokenal Roberto Harang Ricardo de Aula et aliis