Charter Document - 05880123
| Charter Number: | 05880123 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Hokenale manens in Glapwell dedi concessi et hac presenti carta mea confirmaui et omnino pro me et heredibus meis siue assignatis inperpetuum quietam clamaui Hugoni filio Thome de Kyrglington et Matildi uxori sue et heredibus suis siue assignatis unam acram terre iacentem in territorio de Glapwell illam scilicet quam buttat super viam de Bolsou et iacet inter terram quondam Ricardi capellani de Glapwell et terram quondam Roberti filii Roberti de Glapwell Tenendam et habendam dictis Hugoni et Matildi uxori sue et heredibus suis siue assignatis libere quiete honorifice et pacifice sine aliqua contradictione uel retenemento cum omnibus libertatibus et aysiamentis et liberis ingressu et egressu inperpetuum Inueniendum inde per annum oleum ad sustentacionem unius lampadis coram altare beate Marie virginis in ecclesia de Glapwell et Johanni filio Hugonis de Glapwell uel heredibus suis i denarium argenti ad Natale domini pro omni seruicio et seculari exaccione et demanda Ego vero dictus Willelmus et heredes mei siue assignati dictam acram terre dictis Hugoni et Matildi uxori sue et heredibus suis siue assignatis in omnibus sicut predictum est warantizabimus contra omnes gentes et ubique in perpetuum defendemus Pro hac autem donatione concessione et presentis carte mee confirmacione et quieta mea clamacione dederunt mihi predicti Hugo et Matildis uxor sua quandam summam pecunie pre manibus in gersumma In cuius rei testimonium hanc presentem cartam inpressione sigilli mei roboraui Hiis testibus Symone de Glapwell Johanne de Scardecliue clerico Symone de Bateley Roberto Hering de Glapwell Ricardo filio Hugonis de eadem Johanne de Walley capellano et aliis