Charter Document - 05880122
| Charter Number: | 05880122 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1272 - 1279 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit Willelmus de Hokenale manens in Glapwelle salutem in domino sempiternam Nouerit uniuersitas vestra me dedisse concessisse et hac presenti carta mea confirmasse et omnino pro me et heredibus meis quietas clamasse Simoni de Glapwelle et heredibus suis vel assignatis duas acras et tres rodas terre arabilis cum pertinenciis quas tenui de feodo suo in Glapwelle Iacente scilicet una acra in campo australi inter terram Rogeri filii Ade ex parte orientis et terram abbatis de Derley ex parte occidentis et buttat super viam que ducit versus Plesel ad capud boriale Et una acra in le Stubbinges inter terras abbatis de Derley ex utraque parte et buttat super Wellebroc ad capud australe et super Stubbingsik ad capud boriale Et tres rode in campo orientali inter terram Ricardi filii Roberti clerici ex parte boriali et terram abbatis de Derley ex parte australi et buttant super viam que ducit versus Bollessouer ad capud occidentale Tenendam et habendam sibi et heredibus suis vel assignatis quibuscumque quandocumque et ubicumque illam dare legare vel assignare voluerit libere quiete integre et hereditarie inperpetuum cum omnibus pertinenciis suis Ita quod nec ego predictus Willelmus nec heredes mei de cetero nec aliquis per nos nec nomine nostro in predicta terra cum pertinenciis aliquod ius vel clamium exigere poterimus vel vendicare In cuius rei testimonium huic scripto sigillum meum apposui Hiis testibus domino Willelmo de Steynseby milite Willelmo de Leke Ricardo de Dun Simone de Bateley Ricardo filio Hugonis de Glapwelle Roberto Hering de eadem Rogero filio Ade de eadem et aliis