Charter Document - 05880120

Sciant presentes et futuri quod ego Galfridus filius Thome de Kirtlington manens in Tiuersolt dedi concessi et hac presenti carta mea confirmaui Hugoni fratri meo et heredibus suis et heredibus suis de corpore suo legittime procreatis totum ius et clamium quod habui vel habere potui in una bouata terre cum mesuagio et omnibus pertinenciis suis quam Robertus capellanus frater meus quondam tenuit de Simone de Glapwelle in Glapwelle et in tota terra quam idem Robertus tenuit de Roberto filio Alani in eadem villa cum pertinenciis in aliquo retenemento Tenendum et habendum de dominis feodi sibi et heredibus suis de corpore suo legittime procreatis libere quiete integre et hereditarie cum omnibus pertinenciis libertatibus et asiamentis predicto tenemento infra villam de Glapwelle et extra spectantibus et cum libero ingressu et egressu in perpetuum Reddendo inde annuatim predicto Simoni de Glapwelle et heredibus suis vel assignatis quinque solidos et duos denarios scilicet medietatem ad annunciacionem beate Marie et medietatem ad festum sancti Michaelis et Roberto filio Alani de Glapwelle et heredibus suis vel assignatis unum clauum gariofili ad Pascha pro omnibus seruiciis secularibus exaccionibus et demandis Et ego predictus Galfridus et heredes mei totum tenementum prefatum cum pertinentiis suis omnibus sicut predictum est predicto Hugoni et heredibus suis de corpore suo legittime procreatis warantizabimus contra omnes gentes in perpetuum In cuius rei robur testimonium hanc cartam sigilli mei inpressione duxi roborandam Hiis testibus domino Willelmo de Steynesby milite Simone de Glapwelle Willelmo de Leke Johanne de Scarthecliue clerico Simone de Bateley Johanne filio Rogeri de Somerford Roberto Hering de Glapwelle Wiilelmo de Hokenale in eadem Ricardo filio Hugonis de eadem et aliis