Charter Document - 05880119
| Charter Number: | 05880119 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Alani de Glapwelle dedi concessi et hac presenti carta mea confirmaui Hugoni de Kirglington et heredibus suis vel assignatis duas acras terre arabilis et dimidiam in territorio de Glapwelle iacente scilicet una acra et dimidia in campo boriali inter terram Roberti Hering et terram quondam Henrici bercarii ultra semitam que ducit versus Palterton et buttat super Northclif ad capud occidentale et super viam que ducit versus Bollesouer ad capud orientale et dimidia acra in eodem campo inter terram Johannis filii Rogeri et terram quondam domini Roberti de Kirtlington capellani et buttat super terram Simonis de Glapwelle ad capud australe et ad capud boriale et dimidia acra in eodem campo super Scorttedoles inter terram Johannis filii Rogeri de Somerford et terram quondam Auicie filie Hugonis de Glapwelle et buttat super Meregrif ad capud occidentale Tenendam et habendam dictam terram de me heredibus meis vel assignatis sibi et heredibus suis vel assignatis quibuscumque ubicumque et quandocumque in sanitate vel egritudine illam dare legare vendere vel assignare voluerit libere quiete integre et hereditarie in perpetuum cum omnibus pertinenciis suis libertatibus et asiamentis et cum libero ingressu et egressu Reddendo inde annuatim mihi et heredibus meis vel assignatis predictus Hugo et heredes sui vel assignati unum obolum argenti ad Natale domini tantum pro omni seruicio seculari exaccione consuetudine sectis curie wardis releuiis escaetis omnibus et demanda Pro hac autem donacione mea concessione et presentis carte mee confirmacione dedit mihi dictus Hugo quandam summam pecunie pre manibus in gersumma Ego vero predictus Robertus et heredes mei vel assignati dictam terram prefato Hugoni et heredibus suis vel assignatis cum pertinenciis suis omnibus sicut predictum est in omnibus et per omnia contra omnes gentes warantizabimus acquietabimus et in perpetuum defendemus In cuius rei testimonium presenti scripto sigillum meum apposui Hiis testibus Simone de Glapwelle Willelmo de Leke Johanne de Scarthecliue clerico Simone de Bateley Johanne filio Rogeri de Somerford Ricardo filio Hugonis de Glapwelle Roberto Hering de eadem et aliis