Charter Document - 05880118
| Charter Number: | 05880118 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1272 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Alani de Glapwelle dedi concessi et hac presenti carta mea confirmaui Hugoni de Kyrtlington et heredibus suis vel assignatis unam acram terre arabilis cum pertinenciis in Glapwelle iacentem videlicet in campo australi ultra viam ducit versus Pleseley et buttat super regiam viam que ducit versus Notingham ad capud australe et est forarium et iacet iuxta terram Johannis filii Rogeri de Somerford ex parte boriali Tenendam et habendam dictam acram de me et heredibus meis vel assignatis sibi et heredibus suis vel assignatis quibuscumque quandocumque et ubicumque in sanitate vel egritudine illam dare legare vendere vel assignare voluerit libere quiete integre et hereditarie cum omnibus pertinenciis suis libertatibus et asiamentis et cum libero ingressu in perpetuum Reddendo inde annuatim mihi et heredibus meis vel assignatis predictus Hugo et heredes sui vel assignati unum clauum gariofili ad Pascha tantum pro omnibus secularibus seruiciis exaccionibus consuetudinibus wardis releuiis sectis curie excaetis omnibus et demandis pro [hac] autem donacione mea concessione et presentis carte mee confirmacione dedit mihi dictus Hugo quandam summam pecunie premanibus in gersumma Ego vero dictus Robertus et heredes mei vel assignati dictam acram terre cum pertinenciis predicto Hugoni et heredibus suis vel assignatis sicut predictum est in omnibus et per omnia contra omnes gentes warantizabimus adquietabimus et in perpetuum defendemus In cuius rei testimonium huic carte signum sigilli mei duxi apponendum Hiis testibus domino Willelmo de Steynesby milite Simone de Glapwelle Willelmo de Leke Johanne de Scarthecliue Johanne filio Rogeri de Somerford Simone de Bateley Roberto Hering de Glapwelle et aliis