Charter Document - 05880116
| Charter Number: | 05880116 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 - 1280 |
| Date type: | Assigned |
| Resource Link(s): |
|
Charter:
Omnibus hominibus hoc presens scriptum visuris uel audituris Robertus filius Alani de Glapwel salutem in domino Nouerit uniuersitas uestra dedisse me concessisse et hac presenti carta mea confirmasse Roberto de Kirtelingtona capellano quandam partem terre mee in territorio de Glapwell Videlicet unam placiam terre arabilis iacentem in boriali campo dicte ville inter terram Auicie relicte Rogeri de eadem et terram quam Johannes filius Pagani quondam tenuit sicut se extendit in longitudine et in latitudine ultra semitam que ducit inter Glapwell et Palterton a Noryeclif usque ad uiam que ducit de Glapwell apud Bollesou et unam dimidiam acram terre iacentem in orientali campo et abuttat super eandem viam et super predictam placiam terre et iacet inter terram abbatis de Derley et terram Johannis filii Rogeri et unam rodam terre iacentem in eodem campo inter terram predicti Johannis et terram Simonis de Glapwell et abuttat super predictam viam Tenendam et habendam totam predictam terram dicto Roberto capellano et heredibus suis siue assignatis et heredibus assignatorum suorum sine aliquo retenemento de me et heredibus meis siue assignatis libere quiete pacifice integre in feodo et hereditate cum omnibus pertinenciis libertatibus et esiamentis et cum libero ingressu et egressu infra villam et extra Reddendo inde annuatim mihi et heredibus meis unum clauum gariophili tantum ad Pascham apud Glapwell pro omnibus secularibus seruiciis exaccionibus et demandis sectis wardis releuiis excaetis et omnibus forinsecis seruiciis Et pro hac mea donacione concessione et presentis carte mee confirmacione dictus Robertus capellanus dedit mihi quandam summam pecunie premanibus in gersuma Et ego vero Robertus filius Alani de Glapwell et heredes mei et assignati mei totam predictam terram prenominato Roberto capellano et heredibus suis siue assignatis et heredibus assignatorum suorum in omnibus et per omnia per predictum seruicium contra omnes gentes warantizabimus adquietabimus et ubique defendemus in perpetuum Et quia volo quod hec mea donacio concessio et presentis carte mee confirmacio robur firmitatis opineat in posterum hoc scriptum sigilli mei inpressione roboraui Hiis testibus Simone de Glapwell Thoma de eadem Willelmo de Hokenale Willelmo de Lek Roberto le Graunt Ricardo de Grangia Rogero filio Rogeri de Scardeclife et multis aliis