Charter Document - 05880115
| Charter Number: | 05880115 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Alani de Glapwel dedi et concessi et hac presenti carta mea confirmaui Ricardo filio Alani de Syrlund et Hawisie sorori mee et heredibus qui de illis procedent in liberum maritagium unam acram terre in campo de Glapwel scilicet dimidiam acram super Brerifurlang iacentem inter terram abbatis de Derleg et terram Roberti clerici filii Rogeri decani et dimidiam acram que iacet inter terram que fuit Hulf de Glapwel et viam que iacet inter Glapwel et Plesleg Tenendam et habendam de me et heredibus meis sibi et heredibus qui de illis procedent libere et quiete et integre Reddendo inde annuatim mihi et heredibus meis pro omni seruicio accione et demanda ad me uel ad heredes meos pertinente [un]as cirotecas ad Natale Si forte contigerit quod predicta Hewisia sine herede corporis sui moriatur predicta terra [quie]ta et int[egra] mihi et her[edibus mei]s reuertet Ego uero Robertus filius Alani de Glapwel et heredes mei predictam donacionem et confirmacionem Ricardo filio Alani de S[yrl]und et Hewisie sorori mee et heredibus suis contra omnes ho[mines] warantizabimus Et ut hec donacio et confirmacio rata et stabilis [permanea]t presens scriptum sigilli mei munimine roboraui Hiis testibus Alano filio Roberti de Rodmertheit Ricardo de Rodmertheit [R]ad de Morhag Roberto de Rodmertheit Roberto de Marneham Rogero filio Mathei de Hegham Ricardo filio Hulkel de Hegham Roberto clerico de Glapwel et multis aliis