Charter Document - 05880113
| Charter Number: | 05880113 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1291 |
| Date type: | Internal, Calendar, Feast, Regnal |
| Resource Link(s): |
|
Charter:
Uniuersis Christi fidelibus hoc scriptum visuris uel audituris Johannes de Belewe miles filius domini Thome de Belewe in domino salutem Nouerit uniuersitas vestra me dedisse concessisse remisisse manumisisse et omnino quietum clamasse de me et heredibus meis Willelmo de Vernon clerico et heredibus suis totum ius meum et clamium ac omnimodam accionem uel demandam quod habui uel aliquo modo habere potui nomine nayuitatis et sanguinis in Hugonem filium Thome coperii de Kirtlington cum tota sequela sua et omnibus catallis suis mobilibus et inmobilibus quesitis et adquirendis Ita quod nec ego Johannes nec heredes mei nec aliquis pro me nec nomine nostro ius uel clamium accionem vel demandam racione nayuitatis uel sanguinis in predictum Hugonem cum tota sequela sua et omnibus catallis suis quesitis et adquirendis decetero habere exigere vendicare uel reclamare potero uel poterimus imperpetuum Pro hac autem donatione concessione remissione manumissione et quieta clamacione presentis carte mee dedit michi dictus Willelmus quandam summam pecunie In cuius rei testimonium presenti scripto sigillum meum apposui Hiis testibus Simone de Glapwell Johanne de Scardeclewe clerico Willelmo de Leke Ricardo le Duyn Simone de Batelegh Ricardo filio Hugonis de Glapwell Johanne filio Rogeri de Somerforde Willelmo de Hokenale Roberto Hering et aliis Datum apud Kirtlington die jouis proximo post Natiuitatem beati Johannis baptiste anno regni regis Edwardi decimo nono