Charter Document - 05880112
| Charter Number: | 05880112 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes de Scarthecliue clericus dedi concessi et hac presenti carta mea confirmaui Hugoni de Kyrtlington manenti in Glapwelle et heredibus suis vel assignatis unam acram et dimidiam terre arabilis cum pertinenciis in Glapwelle iacente scilicet dimidia acra in campo orientali super Scortforlong inter terram abbatis de Derley et terram Ricardi ad Aulam et buttante super terram dicti abbatis ad capud orientale et dimidia acra in campo australi inter terram Johannis filii Rogeri de Somerford et terram Johannis filii Andree et buttante super terram Simonis de Glapwelle ad capud australe et dimidia acra in eodem campo super Dunsil inter terram Johannis filii Rogeri de Somerford et terram Roberti Hering et buttante super campum de Routhorn Tenendam et habendam de me et heredibus meis vel assignatis sibi et heredibus suis vel assignatis quibuscumque quandocumque et ubicumque in sanitate et egritudine illam dare legare vendere vel assignare voluerit libere quiete integre et hereditarie cum omnibus pertinenciis suis libertatibus et asiamentis et cum liberis ingressu et egressu in perpetuum Reddendo inde annuatim mihi et heredibus meis vel assignatis predictus Hugo et heredes sui vel assignati unum florem rose ad festum Natiuitatis sancti Johannis baptiste tantum pro omnibus secularibus seruiciis exaccionibus consuetudinibus wardis releuiis sectis curie auxiliis exastis omnibus et demandis Pro hac autem donacione mea concessione et presentis carte mee confirmacione dedit michi predictus Hugo quandam summam pecunie pre manibus in gersumma Ego vero predictus Johannes et heredes mei vel assignati predictam terram dicto Hugoni et heredibus suis vel assignatis sicut predictum est in omnibus et per omnia contra omnes gentes warantizabimus adquietabimus et in perpetuum defendemus In cuius rei testimonium huic carte signum sigilli mei duxi apponendum Hiis testibus Roberto le Graunt Willelmo de Leke Simone de Glapwelle Ricardo de Duyn Simone de Bateley Johanne filio Rogeri de Somerford Ricardo filio Hugonis de Glapwelle Willelmo de Hokenale Roberto Hering et aliis