Charter Document - 05880111
| Charter Number: | 05880111 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Omnibus in Christo fidelibus hanc cartam visuris et audituris Robertus de Wilweby salutem Ad uniuersitatis uestre noticiam volo peruenire me concessisse et dedisse et hac mea presenti carta confirmasse Roberto filio Nicholai de Rouceby et heredibus suis uel cuicunque dare uel assignare voluerit et quando exceptis viris religiosis pro quatuor marcis argenti mihi pre manibus datis unum toftum et croftum in villa de Scilkeb que Alanus filius Simonis quondam tenuit cum sex sellionibus dicto tofto iacentibus in territorio de Scilkeb quarum due iacent simul ad Holmeshirne inter terram Willelmi filii Heruici et terram Willelmi filii Gerardi et abbuttant super moram de Querinton et una sellio iacet in Beneland inter terram domini Osberti Siluani et terram Lamberti filii Alexandri et abbuttat super dictam moram et una sellio iacet in dicta Beneland inter terram Thome de Silkeby et terram Willelmi de Neubo abbuttans super forarium Johannis filii Walteri et una sellio iacet ex australi parte ville de Silkeb inter terram dicti Thome de Silkeb et terram Johannis filii Walteri et abbuttat super Hengate et una sellio iacet super Langholme inter terram Willelmi filii Alexandri et terram Johannis filii Walteri cum omnibus pertinenciis suis infra villam et extra Tenenda et habenda de me et heredibus meis sibi et heredibus suis uel assingnatis libere quiete pacifice et hereditarie Reddendo inde annuatim mihi et heredibus meis sex denarios ad festum beati Johannis baptiste pro omni seculari seruicio consuetudine demanda et exaccione Et ego uero dictus Robertus de Wilweb et heredes mei predicto Roberto filio Nicholai et heredibus suis uel assingnatis exceptis viris religiosis dictum toftum et croftum et sex selliones cum predictis pertinenciis contra omnes homines et feminas inperpetuum warantizabimus defendemus et de omnibus demandis adquietabimus pro predicto seruicio Et ut hec concessio meaque donacio rata permaneat et illibata presentem cartam sigilli mei inpressione roboraui Hiis testibus domino Osberto Saluano domino Galfrido de Birtorp domino Galfrido de Riskinton capellano Thoma filio Thome de Silkeb Gilberto filio Thome de Wilgeb Roberto clerico de Silkeb Rogero filio Alexandri Willelmo filio Heruici Galfrido Dunintoune