Charter Document - 05880108
| Charter Number: | 05880108 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1273 |
| Date type: | Internal, A.D. |
| Resource Link(s): |
|
Charter:
Hec est conuencio facta inter Willelmum abbatem de Derleg et eiusdem loci conuentum ex una parte et Robertum Hunte de Glapwell ex altera Videlicet quod dictus Robertus dimisit et concessit eisdem unam placiam prati et pasture cum pertinenciis in territorio de Glapwell que vocatur Suthruding et iacet inter terram Johannis filii Rogeri de Glapwell ex utraque parte et abuttat super le Suthlondes et pasturam de Rowelhorn Tenendam et habendam eisdem abbati et conuentui libere quiete pacifice et integre cum omnibus pertinenciis libertatibus et aysiamentis suis usque ad terminum quindecim annorum plenarie completorum termino incipiente ad Pascha anno gratie MCC septuagesimo tertio Dictus uero Robertus et heredes sui predictam placiam prati et pasture cum omnibus pertinenciis suis predictis abbati et conuentui in toto termino predicto contra omnes gentes warantizabunt Finito autem dicto termino predicta placia prati et pasture cum omnibus pertinenciis suis ad prefatum Robertum et heredes suos reuertetur absque clamio et contradictione alicuius salua eisdem abbati et conuentui vestura predicte placie usque ad festum sancti Michaelis in ultimo anno huius conuencionis In cuius rei robur et testimonium predicte partes alternis scriptis hanc conuencionem continentibus sigilla sua apposuerunt Hiis testibus Willelmo de Leyk Simone filio Hugonis de Glapwell Thoma filio Willelmi de eadem Ricardo de Grangia Jordano de Wyteleg et aliis