Charter Document - 05880105
| Charter Number: | 05880105 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1298 |
| Date type: | Internal, A.D., Calendar, Regnal |
| Resource Link(s): |
|
Charter:
Omnibus Christi fidelibus presens scriptum visuris uel audituris Robertus Harang de Glapwell salutem in domino sempiternam Noueritis me concessisse relaxasse et omnino pro me et heredibus meis siue assignatis in perpetuum quietum clamasse Hugoni filio Thome de Kirlington manenti in Glapwell et heredibus suis siue assignatis pro quadam summa pecunie mihi pre manibus solute in gersumma quendam annuum redditum unius denarii argenti per annum qui quidem annuus redditus dicti denarii argenti Willelmus de Hokenal quondam mihi soluit pro quadam acra terre iacente in campo boriali de Glapwell inter terram Rogeri filii Ade de Glapwell ex parte boriali et terram Johannis filii Rogeri de Somerford ex parte australi Ita siquidem quod nec ego predictus Robertus nec heredes mei siue assignati mei nec aliquis alius ex parte nostra uel nomine nostro aliquid ius uel clamium iuris in predictum annuum redditum dicti denarii argenti per annum exigere vendicare siue clamare de cetero poterimus in posterum In cuius rei testimonium huic presenti scripto sigillum meum apposui Hiis testibus Symone de Glapwell Radulfo filio Symonis predicti de eadem Waltero de Ufton Ricardo filio Hugonis de Glapwell Johanne filio Rogeri de Somerford et aliis Datum apud Glapwell xii Kalend Maii anno domini MCC nonogesimo octauo et anno regni regis Edwardi vicesimo sexto