Charter Document - 05880100
| Charter Number: | 05880100 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1298 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum peruenerit Johannes filius Ricardi de Derley manens in Langeley salutem in domino sempiternam Noueritis me dedisse concessisse et omnino pro me et heredibus meis quietum clamasse Johanni filio Rogeri de Somerford manenti in Glapwell totum ius et clamium iuris quod habui uel habere potui seu potero in omnibus terris et tenementis cum omnibus pertinenciis suis que Rogerus de Somerford auus meus et Auicia uxor eius quondam tenuerunt in Glapwell et in feodo de Routhorn Tenendum et habendum de dominis feodi sibi et heredibus suis uel assignatis libere quiete integre pacifice et hereditarie in perpetuum Ita quod nec ego predictus Johannes filius Ricardi nec aliquis per me nec heredes mei nec aliquis per ipsos in predictis terris et tenementis cum omnibus pertinenciis suis de cetero aliquid iuris uel clamii exigere poterimus uel vendicare In cuius rei testimonium huic scripto signum sigilli mei duxi apponendum Hiis testibus Symone de Glapwell Waltero de Ofton Radulfo filio Symonis de Glapwell Ricardo filio Hugonis de eadem et aliis Datum apud Glapwell die purificacionis beate Marie virginis anno domini MCC nonogesimo septimo