Charter Document - 05880099
| Charter Number: | 05880099 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Agneta quondam uxor Henrici clerici de Cestrefeud in pura potestate ac viduitate mea legitima dedi concessi et hac presenti carta mea confirmaui Hugoni de Kirlington in Glapwell pro seruicio suo et pro quadam summa pecunie mihi premanibus donata unam acram terre cum pertinenciis in Glapwell videlicet dimidiam acram iacentem in campo boriali inter terram Simonis de Glapwell ex parte occidentis et terram Hawisie de solario de Wyrkisope ex parte orientis et dimidiam acram terre iacentem in campo orientali inter terram Thome filii Willelmi de Glapwell ex parte orientis et terram Roberti venatoris ex parte occidentis abuttantem ad capud australe super viam ducentem apud Honyton Habendam et tenendam ipsi Hugoni et heredibus suis uel suis assignatis in feodo et hereditate libere quiete bene et in pace cum omnibus libertatibus et asiamentis infra villam de Glapwell et extra ad predictam acram terre pertinentibus Reddendo inde annuatim pro me et heredibus meis Auicie quondam uxori Jordani de Glapwell seruicium debitum et consuetum videlicet unum clauum gariofili ad Natale domini pro omnibus Et ego Agneta et heredes mei predictam acram terre cum pertinenciis predicto Hugoni et heredibus suis vel suis assignatis contra omnes gentes warantizabimus adquietabimus et libere in omnibus defendemus pro predicto seruicio in cuius rei testimonium presenti scripto sigillum meum apposui et cartam meam de dicto tenemento confectam eidem tradidi Hiis testibus Simone de Glapwell Ricardo de Duy Simone de Bateley Richardo Roberd Willelmo de Hokenhal Roberto Hering et aliis