Charter Document - 05880098
| Charter Number: | 05880098 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Auicia uxor quondam Jordani de Glapwell dedi concessi et hac presenti carta mea confirmaui Agnete filie mee unam acram terre cum pertinenciis in territorio de Glapwele videlicet dimidiam acram terre iacentem in campo boriali inter terram Simonis de Glapwell ex parte occidentis et terram Hawise de solario de Wirkesope ex parte orientis et dimidiam acram terre iacentem in campo orientali inter terram Thome filii Willelmi de Glapwell ex parte orientis et terram Roberti venatoris ex parte occidentis abutantem ad capud australe super viam ducentem apud Honyton Tenendam tenendam et habendam predictam acram terre de me et heredibus meis uel meis assignatis dicte Angnete filie mee et heredibus suis uel suis assignatis cuicumque et quandocumque dare legare uendere uel assignare voluerit ubi et cui et quando in quocumque statu fuerit libere quiete integre pacifice et hereditarie cum omnibus pertinenciis libertatibus et asiamentis dicte terre pertinentibus et cum libero introitu et exitu infra villam et extra Reddendo inde annuatim mihi et heredibus meis unum clauum gariofili ad Natale domini pro omnibus secularibus seruiciis sectis wardis releuiis forinsecis seruiciis et eschaetis et omnibus aliis consuetudinibus exactionibus et demandis Pro hac autem donacione et concessione et presentis carte mee confirmacione dicta Agneta filia mea dedit mihi quandam summam pecunie premanibus in gersuma Et ego uero Auicia de Glapwell et heredes mei uel assignati mei predictam acram terre cum omnibus pertinencis predicte Agnete filie mee et heredibus suis uel suis assignatis sicut predictum est in omnibus et per omnia contra omnes homines et feminas warantizabimus acquietabimus et ubique per predictum seruicium defendemus in perpetuum In cuius rei testimonium huic scripto sigillum meum apposui Hiis testibus Simone de Glapwell Willelmo de Leke Willelmo de Hoftona Willelmo de Hokenal Thoma de Glapwell Roberto le Hunte de eadem Roberto Hering de eadem Rogero filio Rogeri de Scardecliue et multis aliis