Charter Document - 05880097

Sciant presentes et futuri quod ego Auicia quondam uxor Rogeri de Derley in legia potestate mea et in legali viduitate mea dedi et concessi et hac presenti carta mea confirmaui Johanni filio meo pro escambio tres acras terre et dimidiam terre arabilis in territorio de Glapwelle Quarum una acra iacet in Stubbing que vocatur Marledlandes et buttat super Wellebroc ad capud australe Et dimidia acra in eodem campo in le Buttes inter terram Simonis de Glapwelle et terram predicti Johannis Et una acra in campo orientali iuxta terram Thome de Glapwelle ex parte occidentis et buttat super viam versus Hothton ad capud boriale Et una acra in campo australi iuxta terram Thome de Glapwelle et buttat super viam que ducit versus Plesley ad capud boriale Tenendam et habendam dictam terram de me et heredibus meis uel assignatis sibi et heredibus suis uel assignatis et ubi et cui et quando illam dare uel assignare voluerit libere quiete integre et hereditarie cum omnibus pertinenciis suis libertatibus et asiamentis tante terre pertinentibus et cum liberis ingressu et egressu in perpetuum Reddendo inde annuatim mihi et heredibus meis uel assignatis unum clauum gariofili ad Natale domini pro omni seruicio seculari exactione et demanda saluo forinseco domini regis seruicio tante terre pertinente Ego vero Auicia et heredes mei uel assignati dictas tres acras terre cum dimidia predicto Johanni et heredibus suis uel assignatis sicut predictum est per predictum seruicium in omnibus et per omnia contra omnes gentes cum omnibus suis pertinenciis warantizabimus defendemus et in perpetuum adquietabimus Et ut hec mea donacio concessio et presentis carte mee confirmacio robur firmitatis optineat hanc cartam sigilli mei impressione roboraui Hiis testibus Simone de Glapwelle Willelmo de Ufton Thoma de Glapwelle Simone de Bateley Willelmo de Hokenale Roberto filio Alani de Glapwelle Roberto Hering et multis aliis