Charter Document - 05880094
| Charter Number: | 05880094 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 - 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Auicia quondam uxor Rogeri de Somerford in legia potestate mea et legali viduitate mea dedi concessi et hac presenti carta mea confirmaui Cecillie filie mee et heredibus suis vel assignatis totum illud toftum et croftum quod iacet inter toftum Roberti Hering ex parte australi et toftum quod Rogerus filius Arnaldi quondam tenuit in Glapwelle sine aliquo retenemento Tenendum et habendum de me et heredibus meis vel assignatis sibi et heredibus suis vel assignatis quibuscumque quandocumque et ubicumque in sanitate vel egritudine illum dare legare vel assignare voluerit libere quiete integre et hereditarie cum omnibus pertinenciis suis libertatibus et asiamentis infra villam de Glapwelle et extra et cum libero ingressu et egressu in perpetuum Reddendo inde annuatim mihi et heredibus meis predicta Cecillia et heredes sui vel assignati unum obolum argenti ad festum sancti Martini in yeme pro omni seruicio seculari exactione consuetudine sectis curie wardis releuiis et omni excaeto et demanda Pro hac autem donacione concessione et presentis carte mee confirmacione dedit mihi dicta Cecillia quandam summam pecunie pre manibus in gersumma Ego vero predicta Auicia et heredes mei vel assignati dictum toftum et croftum cum pertinenciis sicut predictum est predicte Cecillie et heredibus suis vel assignatis in omnibus et per omnia contra omnes gentes warantizabimus adquietabimus et in perpetuum defendemus In cuius rei testimonium huic carte signum sigilli mei duxi apponendum Hiis testibus Simone de Glapwelle Willelmo de Leke Simone de Bateley Thoma de Glapwelle Willelmo de Hokenale Roberto Hering Roberto filio Alani de Glapwell et aliis