Charter Document - 05880090
| Charter Number: | 05880090 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1258 - 1280 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit Auicia que fuit uxor Rogeri de Somerford salutem eternam in domino Nouerit uniuersitas vestra me in legia potestate mea et legali viduitate mea dedisse concessisse et omnino pro me et heredibus meis quietum clamasse Johanni filio meo et heredibus suis vel assignatis totum ius et clamium quod habui vel habere potui in omnibus tenementis cum pertinenciis que predictus Rogerus de Somerford quondam emit in villa et territorio de Glapwelle et predicto Johanni filio suo dedit per cartam suam Ita quod nec ego predicta Auicia nec heredes mei nec aliquis per nos nec nomine nostro de cetero in predictis tenementis aliquid iuris vel clamii exigere poterimus vel vendicare salua michi in tota vita mea tercia parte pro dote mea de predictis tenementis In cuius rei testimonium huic scripto sigillum meum apposui Hiis testibus Simone de Glapwelle Willelmo de Leke Thoma de Shirebroc Johanne de Scharthecliue clerico Willelmo de Grangia Ricardo filio Hugonis de Glapwelte Roberto Hering de eadem Rogero filio Bate Simone de Bateley et aliis