Charter Document - 05880088
| Charter Number: | 05880088 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Ricardi de Glapwell vendidi Rogero filio Willelmi de Sumerford pro quinque solidis argenti unam toftam cum pertinenciis in villa de Glapwell illam scilicet que iacet inter toftam Radulfi de eadem villa et toftam Roberti filii Susanne et unum essartum cum pertinenciis in territorio eiusdem ville quod scilicet iacet inter calcetum et Wellebruc Tenenda et habenda dicto Rogero et heredibus uel assignatis suis ubicunque quibuscunque et quandocunque uoluerit assignare in feodo et hereditate libere quiete et pacifice cum omnibus pertinenciis et libertatibus suis Reddendo annuatim mihi et heredibus meis unum denarium ad festum sancti Martini pro omni seruicio consuetudine et demanda seculari Ego uero et heredes mei warantizabimus dictam toftam et essartum cum pertinentiis suis prefato Rogero et heredibus uel assignatis suis sicut predictum est contra omnes homines in perpetuum Preterea concessi et confirmaui presenti scripto predicto Rogero et heredibus uel assignatis suis omnes terras cum pertinenciis quas habet ex dono et vendicione Johannis filii Adtheline Roberti filii Alani Willelmi Harang Tenenda et habenda dicto Rogero et heredibus uel assignatis suis sicut carte predictorum Johannis Roberti et Willelmi testantur In quorum omnium testimonium presenti scripto sigillum meum apposui Hiis testibus Simone filio Hugonis de eadem uilla Alano filio Hugonis Alano filio Roberti de Rodmerewheyt Radulfo de Glapwell Willelmo filio Willelmi de Scardecliue Willelmo de Grangera Nicholao de Lowes et aliis