Charter Document - 05880085
| Charter Number: | 05880085 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Haranc de Glapwell dedi concessi et presenti carta mea confirmaui Rogero de Bollesouere et heredibus suis uel assignatis suis et assignatorum heredibus unam acram terre cum pertinenciis suis in territorio de Glapwell illam scilicet que iacet inter terram abbatis et canonicorum de Derl et foueam iuxta Loske et unam dimidiam acram cum pertinenciis in territorio eiusdem uille illam scilicet dimidiam acram terre que iacet inter terram Johannis filii Adtheline et terram que fuit Hugonis Stubbe Tenendas et habendas sibi et heredibus suis uel assignatis suis et assignatorum heredibus de me et heredibus meis libere et quiete pacifice in feodo et hereditate Reddendo inde annuatim luminari ante altare beate Marie uirginis in ecclesia de Glapwell unum obolum ad pasca pro omni seruicio et seculari exactione et demanda Et sciendum est quod si dictus Rogerus sine herede uel assignato in fata decesserit dicta terra rectori ecclesie de Glapwell faciendo dictum seruicium in liberam et perpetuam elemosinam remanebit Ego uero et heredes mei dictam terram cum pertinenciis dicto Rogero et heredibus suis uel assignatis suis et assignatorum heredibus contra omnes homines in perpetuum warantizabimus pro hac donacione confirmacione et warantia dedit michi prefatus Rogerus octo solidos argenti in gersumum Hiis testibus Simone filio Hugonis de Glapwell Alano filio Roberti de Rodmerewhetyt Radulfo de Glapwell Willelmo de Grangia Willelmo de Scardecliue Willelmo de Whetel Nicholao de Lowes et aliis