Charter Document - 05880084
| Charter Number: | 05880084 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes filius Atheline de Glapwelle dedi concessi et hac presenti mea carta confirmaui Rogero de Sumerford et heredibus suis uel assignatis unam acram terre et dimidiam in territorio de Glapwelle Scilicet dimidiam acram que abbuttat super campum de Routhorn et iacet inter terram que fuit Hugonis de Glapwelle et terram que fuit Ricardi presbiteri et dimidiam acram uersus Loshc que iacet inter terram que fuit Andree et terram Roberti filii Alani et totam terram quam habui in Sortedoles que iacet inter terram que fuit predicti Hugonis et terram que fuit prefati Ricardi et caput acre mee uersus aquilonem quod iacet iuxta Sortedoles scilicet de siketo qui transit terram Andree usque ad caput terre Radulfi de Glapwelle Tenendam et habendam predicto Rogero et heredibus suis uel assignatis uel quibuscumque dictam terram dare uendere uel assignare uoluerit cum omnibus pertinenciis suis libertatibus et aysiamentis infra uillam et extra Et sciendum quod si dictus Rogerus heredem de se non habuerit uel assignatum in libera sua non fecerit potestate ipse de assensu meo presenti carta rectorem capelle de Glapwelle perpetuum assignatum suum de predicta terra facit Reddendo inde annuatim unum obolum ad luminare coram altari sancte Marie de Gapwelle Ego uero Johannes et heredes mei warantizabimus predictam terram dicto Rogero et heredibus suis uel assignatis uel quibuscumque eam dare uendere uel assignare uoluerit contra omnes homines inperpetuum Pro hac autem donatione concessione confirmatione et warantia dedit mihi predictus Rogerus septem solidos argenti pre manibus in cuius rei testimonium huic scripto sigillum meum apposui Hiis testibus Symone de Glapwelle Radulfo eiusdem uille Willelmo de Scardecliue Alano de Rodmaretheweit Waltero de Rueleia Willelmo de Wetheleia Nicholao de Lowes et aliis