Charter Document - 05880081
| Charter Number: | 05880081 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Thomas filius Willelmi de Clapwell dedi concessi et presenti carta mea confirmaui Rogero filio Willelmi de Sumerford et Auicie uxori sue unam bouatam terre cum tofto et crofto et cum omnibus pertinenciis suis in villa et territorio de Glapwell illam scilicet bouatam quam Goda de eadem uilla aliquando tenuit Tenendam et habendam eisdem Rogero et Auicie et heredibus uel assignatis eorum in feudo et hereditate libere quiete pacifice et integre cum omnibus pertinenciis libertatibus et aisiamentis ad dictam terram pertinentibus Reddendo inde annuatim michi et heredibus meis duos solidos argenti scilicet ad festum sancti Martini duodecim denarios et ad Pentechosten duodecim denarios pro omni seruicio wardis releuiis consuetudinibus secta iurie et pro omni exactione uel demanda ad me et ad heredes meos pertinentibus saluo forinseco seruicio domini regis Ego uero Thomas et heredes mei predictam bouatam terre cum omnibus pertinenciis suis prefatis Rogero et Auicie et eorum heredibus uel assignatis contra omnes gentes in perpetuum per predictum seruicium warantizabimus Pro hac autem donacione concessione confirmacione et warantya predictus Rogerus dedit mihi pre manibus tres marcas argenti et dimidiam In cuius rei robur et testimonium presenti scripto pro me et heredibus meis sigillum meum apposui Hiis testibus Simone filio Hugonii de Glapwelli Radulfo filio Simonis de eadem Alano filio Roberti de Rodmarethweyt Nicholao de Lowes Willelmo filio Willelmi de Scardecliue Ricardo filio Gregorii de Grangia Willelmo Harang de Glapwell et aliis