Charter Document - 05880077
| Charter Number: | 05880077 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Symon filius Hugonis de Glappwell concessi et presenti carta mea confirmaui Auicie sorori mee et heredibus suis totam terram illam cum pertinenciis infra uillam de Glappewell et extra quam Ricardus auunculus meus dedit eidem Auicie videlicet duas bouatas terre cum pertinenciis Tenendas et habendas eidem Auicie et heredibus suis in feudo et hereditate secundum tenorem cartarum quas habet de dicto Ricardo Preterea dedi et concessi et presenti carta confirmaui dicte Auicie et heredibus suis communam in Bromleya quantum pertinet ad duas bouatas terre scilicet in bosco et warecto et post blada et fena asportata omni tempore per totam Bromleyam Faciendo inde seruicium quod Ricardus auunculus meus fecit patri meo videlicet arando semel in anno uno die scilicet in tempore tramesii per talem forciam qualem habuerint in caruca sua eodem tempore et metendo uno die in autumpno cum uno homine Et ego Symon et heredes mei dictam communam dicte Auicie et heredibus suis contra omnes gentes inperpetuum warantizabimus et pascemus carucarios illos et dictum messorem ad unum repastum In cuius rei testimonium presenti scripto sigillum meum appossui Hiis testibus Willelmo de Glappwell Radulfo de eadem Alano de Rodmarewyt Willelmo de Scardecliue Johanne magno Nicholao de Lowes Willelmo Harang Roberto filio Alani Roberto de Glappwell clerico et aliis