Charter Document - 05880073
| Charter Number: | 05880073 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1298 |
| Date type: | Internal, A.D., Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris uel audituris Robertus le Couper de Glapwell et Cecilia uxor eius salutem in domino sempiternam Noueritis nos uno assensu et consensu dedisse concessisse et hac presenti carta nostra confirmasse Radulfo filio Symonis de Glapwell et heredibus suis pro quadam summa pecunie nobis pre manibus in gersumma solute quinque pedes latitudinis terre ex parte orientali curtilagii nostri et sic in longitudine durante usque ad spacium duodecim rodarum ad fossandum et desuper claudendum ad libitum et comodum suum cuius capud australe buttat super regiam viam extendentem per mediam villam de Glapwell et aliud capud extendit uersus boriale Tenendum et habendum predicto Radulfo et heredibus suis de capitale domino feodi libere quiete honorifice pacifice jure hereditario inperpetuum sine aliqua contradictione uel reclamatione Nos uero predicti Robertus et Cecilia uxor mea et heredes nostri siue assignati predictas quinque pedes terre ex parte orientali curtilagii nostri tam in latitudine quam in longitudine omnibus modis sicut prescriptum est predicto Radulfo et heredibus suis contra omnes homines et feminas warantizabimus acquietabimus et ubique defendemus inperpetuum In cuius rei testimonium huic presenti scripto sigilla nostra apposuimus Hiis testibus Symone de Glapwell Waltero de Ofton Ricardo filio Hugonis de Glapwell Roberto Hering Hugone de Kirlington in Glapwell et aliis Datum apud Glapwell die sancti Cedde episcopi anno domini MCC nonogesimo septimo et anno regni regis E[dwardi] vicesimo sexto