Charter Document - 05880067

Sciant presentes et futuri quod ego Simon de Glapwelle dedi concessi et hac presenti carta mea confirmaui domino Roberto capellano dicto de Kirtlington et heredibus suis vel assignatis totam illam bouatam terre cum tofto et crofto que uocatur Thomas oxegong in Glapwelle cum pertinenciis suis sine aliquo retemento et cum pastura per totum boscum meum de Brameley extra clausum meum cum aueriis suis Tenendam et habendam dictam bouatam terre cum tofto et crofto et cum predicta pastura de me et heredibus meis vel assignatis sibi et heredibus suis vel assignatis quibuscumque quandocumque et ubicumque illam dare vel assignare voluerit libere quiete integre et hereditarie cum omnibus pertinenciis suis libertatibus et asiamentis infra villam et extra et cum libero ingressu et egressu in perpetuum Reddendo inde annuatim mihi et heredibus meis vel assignatis quinque solidos sterlingorum ad duos anni terminos scilicet ad festum sancti Michaelis ii solidos vi denarios et ad Annunciacionem beate Marie ii solidos et vi denarios pro omnibus secularibus seruiciis exactionibus consuetudinibus sectis curie wardis releuiis excaetis omnibus et demandis saluo forinseco domini regis seruicio predicte bouate terre pertinente et saluo quod prefatus dominus Robertus et heredes sui vel assignati annuatim reddent mihi et heredibus meis uel assignatis duos denarios ad franplegium ad terminos prescriptos Ego vero predictus Simon et heredes mei vel assignati dictam bouatam terre cum tofto et crofto et cum omnibus pertinenciis suis et cum prefata pastura in Brameley dicto domino Roberto capellano et heredibus suis vel assignatis in omnibus et per omnia sicut predictum est contra omnes gentes warantizabimus adquietabimus et in perpetuum defendemus In cuius rei testimonium hanc cartam sigilli mei inpressione roboraui Hiis testibus domino Willelmo de Steynesby Rogero le Sauuage Roberto le Graunt Wilelmo de Leke Johanne de Scarthecliue clerico Simone de Bateley Roberto Hering de Glapwelle et aliis