Charter Document - 05880065
| Charter Number: | 05880065 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1258 - 1280 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris vel audituris Simon de Glapwelle salutem in domino sempiternam Nouerit uniuersitas vestra me concessisse et hac presenti carta mea confirmasse et omnino pro me et heredibus meis quietas clamasse Hugoni filio Thome de Kyrglington et heredibus suis vel assignatis duas acras cum pertinenciis terre arabilis in territorio de Glapwelle quas emit de Rogero filio Ade de Glapwelle libere tenente meo iacentes scilicet in campo orientali una acra et buttans super regiam stratam et in campo australi una acra ultra uiam que ducit versus Pleseley Tenendam et habendam dictam terram sibi et heredibus suis vel assignatis libere quiete et hereditarie cum omnibus pertinenciis suis in perpetuum sine aliquo impedimento vel calumpnia mei predicti Simonis vel heredum meorum In cuius rei testimonium huic scripto signum sigilli mei duxi apponendum Hiis testibus domino Willelmo de Steynesby milite Simone de Bateley Johanne filio Rogeri de Somefford Roberto Hering Ricardo filio Hugonis de Glapwelle et aliis