Charter Document - 05880064

Sciant presentes et futuri quod ego Rogerus filius Ade de Glapwelle dedi concessi et hac presenti carta mea confirmaui Hugoni filio Thome de Kyrglington et heredibus suis vel assignatis duas acras terre arrabilis cum pertinenciis in territorio de Glapwelle iacentes scilicet una acra in campo orientali inter terram Alicie de Ufton ex parte boriali et terram Ricardi filii Hugonis ex parte australi et buttans super regiam stratam que ducit versus Notingham ad capud orientale et una acra in campo australi ultra viam que ducit versus Pleseley et ultra semitam que ducit inter Routhorn et Hochton iuxta terram Willelmi de Hokenale ex parte occidentis dicti Willelmi terre Tenendam et habendam dictam terram de me et heredibus meis sibi et heredibus suis uel assignatis quibuscumque quacumque et ubicumque in sanitate vel egritudine illam dare legare vel assignare voluerit libere quiete integre et hereditarie cum omnibus pertinenciis suis libertatibus et asiamentis et cum libero ingressu et egressu in perpetuum Reddendo inde annuatim mihi et heredibus meis vel assignatis predictis Hugo et heredes sui vel assignati unum obolum argenti ad Natale domini tantum pro omnibus secularibus seruiciis exactionibus consuetudinibus sectis curie wardis releuiis excaetis omnibus et demandis Pro hac autem donacione concessione et presentis carte mee confirmacione dedit mihi dictus Hugo quandam summam pecunie pre manibus in gersumma Ego uero predictus Rogerus et heredes mei vel assignati dictas duas acras terre cum pertinenciis predicto Hugoni et heredibus suis vel assignatis in omnibus et per omnia sicut predictum est contra omnes gentes warantizabimus adquietabimus et in perpetuum defendemus In cuius rei testimonium hanc cartam sigilli mei impressione roboraui Hiis testibus Simone de Glapwelle Simone de Bateley Willelmo de Hokenale Roberto Hering de Glapwelle Ricardo filio Hugonis de eadem et aliis