Charter Document - 05880063
| Charter Number: | 05880063 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 - 1272 |
| Date type: | Assigned |
| Resource Link(s): |
|
Charter:
Uniuersis Christi fidelibus ad quos presens scriptum peruenerit Simon filius Hugonis de Glapwel salutem in domino Noueritis me dedisse et concessisse et hac presenti carta mea confirmasse domino Rogero capellano filio Radulfi de Glapwel et heredibus suis uel assignatis suis Aliciam filiam Hugonis filii Suain de Glapwel condam naiuam meam liberam solutam quietam in perpetuum cum tota secta sua et cum omnibus catallis suis de me et de heredibus meis sibi et heredibus suis uel assignatis suis Ita quod ego Simon nec heredes mei nec aliquis per me nec pro me in dicta Alicia nec in secta sua nec in catallis suis nullum ius nec clamium de cetero vendicare nec exigere poterimus Pro hac autem donacione et concessione et carte mee confirmacione dedit mihi dictus Rogerus unam summam argenti premanibus Et ego dictus Simon et heredes mei dictam Aliciam cum secta sua et catallis suis contra omnes gentes warantizabimus In cuius rei robur et testimonium presentem cartam sigilli mei inpressione roboraui et confirmaui Hiis testibus domino Rogero vicario de Hokenal Thoma filio Willelmi de Glapwel Roberto clerico de eadem Roberto filio Alani Roberto de Batelay Willelmo Harang et aliis