Charter Document - 05880056
| Charter Number: | 05880056 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1258 - 1272 |
| Date type: | Assigned |
| Resource Link(s): |
|
Charter:
Notum sit omnibus hoc scriptum visuris uel audituris quod ita conuenit inter priorem et conuentum de Nouo loco ex una parte et Simonem filium Hugonis de Glapwell ex altera parte Videlicet quod predicti prior et conuentus relaxauerunt et quietum clamauerunt predicto Simoni et heredibus suis totum jus et clamium quod habuerunt uel habere potuerunt in estoueriis suis capiendis in Bramleya que exigebant racione manerii sui de Ructhorn Pro qua relaxacione et quieta clamacione predictus Simon et heredes eius accrescunt duodecim denarios ad antiquam firmam que est viginti et octo denarii videlicet in uniuerso quadraginta denarios ad festum sancti Michaelis dictis priori et conuentui de Nouo Loco annuatim reddendos Saluis tantum predictis priori et conuentui homagio et releuio dicti Simonis et heredum suorum de Bramleya et communa pasture et warda eiusdem Bramleye que dicti prior et conuentus capere consueuerunt In huius rei testimonium utraque pars alternatim huic scripto signum suum apposuit Hiis testibus Alano viridario de Rodmarthweyt Alano filio Roberti de eadem villa Rogero de Glapwell Radulfo filio Simonis de eadem villa Willelmo de Scardecliue Willelmo de Grangia Johanne Kinebell de Scardecliue et aliis