Charter Document - 05880054
| Charter Number: | 05880054 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Feast |
| Resource Link(s): |
|
Charter:
Notum sit uniuersis hoc scriptum visuris uel audituris quod cum ego Symon filius et heres Hugonis de Glapwell dederim et omnino quietum clamauerim de me et heredibus meis abbati et conuentui de Derleg et eorum successoribus in liberam puram et perpetuam elemosinam duodecim denarios annui redditus quos abbas et conuentus de Bello Capite michi soluere tenebantur annuatim ad duos terminos pro una bouata terre cum pertinenciis quam habuerunt de dono Symonis de Glapwell aui mei et quam terram abbas et conuentus de Derleg tenent de abbate et conuentu de Bello Capite in Glapwell concedo pro me et heredibus meis dictis abbati et conuentui de Bello Capite quod in posterum nichil juris uel clamii in predictis duodecim denariis annui redditus uel in eorum prouentibus seu recognicionibus exigemus uel vendicabimus in perpetuum Set nichilominus ego dictus Symon et heredes mei seu assignati dictam bouatam terre cum pertinenciis dictis abbati et conuentui de Bello Capite uel tenentibus eandem terram de eisdem in liberam et perpetuam elemosinam quietam et solutam ab omnibus secularibus seruiciis sectis curie releuiis et omnimodis aliis eschaetis et demandis ad me seu ad heredes meos pertinentibus preter orationes in domino saluo tantum forinseco seruicio domini regis contra omnes gentes warantizabimus et defendemus In cuius rei testimonium presenti scripto pro me et heredibus meis sigillum meum apposui Hiis testibus Roberto le Graunt Thoma filio Willelmi de Glapwell Rogero Bate Willelmo de Hokenale Robertc Harang Ricardo de Aula et aliis Datum in festo sancti Mathie apostoli anno gratie MCCLXXX primo