Charter Document - 05880052
| Charter Number: | 05880052 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Nouerint uniuersi presentes litteras inspecturi et audituri quod ego Simon filius Hugonis de Glapwell teneor et presentium tenore me et heredes meos obligaui ad adquietandum fideliter abbatem et conuentum de Derlg de omnimodis seruiciis consuetudinibus exactionibus sectis curiarum quarumlibet et demandis ad terram et tenementum cum pertinenciis quam vel quod habent de me ad terminum in villa et territorio de Glapwall et Broml pertinentibus et ad omnia dampna sumptus et expensas eisdem fideliter refundendum que vel quas sustinuerint vel fecerint occasione dicte terre et tenementi per defectum adquietancie defensionis uel warantie mei vel heredum meorum eisdem minus prestite [qu]ociens opus fuerit uel per ipsos fuerimus requisiti Ad que fideliter facienda in toto termino suo et sine contradictione obseruanda volo et concedo quod me et heredes meos constringant quociens necesse fuerit per subtraccionem bladi annuatim michi ab eisdem soluendi pro tenemento et terra supradicta quoadusque eisdem satisfactum fuerit de omnimodo dampno suo uel iactura quam rationabiliter se docuerint huiusmodi occasione incurrisse In cuius rei testimonium has literas meas eisdem sigillo meo signatas fieri feci patentes Actum apud Derleg in presencia abbatis et celerarii Willelmi de Chaddisden Henrici de Wytel Johannis de Wystanton et aliorum Anno gratie millesimo ducentesimo septuagesimo primo die sanctorum septem fratrum