Charter Document - 05880051
| Charter Number: | 05880051 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Anno gratie millesimo ducentesimo septuagesimo primo ad festum sancti Johannis baptiste Simon filius Hugonis de Glapwell concessit tradidit et dimisit abbati et conueniui de Derleg totam dominicam terram suam tam de Bromleg quam de Glapwell cum pastura et communa in bosco et plano et cum clostura de ipso bosco libere capienda ad hayas necessarias circa terram predictam et ad estoueria si inueniri potuerint ad carucas suas saluo eidem Simoni prato suo in Bromleg quod uocatur Longemedue Tenendam et habendam eisdem canonicis usque ad terminum nouem annorum continue subsequencium et plenarie completorum et etiam in ultimo anno usque ad festum sancti Michaelis cum omnibus pertinenciis libertatibus et aysiamentis suis preter warettam eiusdem ultimi anni Et pro hac concessione tradicione et dimissione dicti abbas et conuentus dabunt eidem Simoni singulis annis termini predicti octo quarteria frumenti et quatuor quarteria ordei ad quatuor terminos scilicet ad festum sancti Martini Purificacionem beate Marie Inuencionem sancte Crucis et ad festum sancti Johannis baptiste in quolibet termino duo quarteria frumenti et unum ordei Concesserunt etiam eidem Simoni singulis annis termini predicti triginta thrauas foragii medietatem scilicet de frumento et medietatem de ordeo uel auena Et exhibebunt per totum terminum predictum Radulfum filium eiusdem Simonis ministrantem in aliquo libero seruicio eorundem in victu et vestitu et calciatura Idem uero Simon et heredes sui totam predictam terram cum omnibus pertinenciis sicut predictum est eisdem canonicis in toto dicto termino warantizabunt contra omnes gentes et adquietabunt de omni seruicio secta cuiuslibet curie consuetudine et demanda Elapso uero termino tota predicta terra cum omnibus pertinenciis suis reuertetur ad predictum Simonem et heredes suos absque contradictione alicuius saluis eisdem abbati et conuentui sex acris terre cum pertinenciis quas idem Simon eisdem canonicis donauit in puram elemosinam in inicio huius conuencionis Idem eciam Simon commodabit eisdem canonicis si necesse habuerint orrea sua ad recondendum bladum suum In cuius rei testimonium partes predicte alternis scriptis suis hanc conuencionem continentibus in modum cyrograffi confectis sigilla sua apposuerunt Hiis testibus Radulfo de Reresby Galfrido de Dethek Willelmo de Leyk Roberto le Graunt de Langwath Willelmo filio Thome de Wall Willelmo de Hufion in Qggedeston Henrico de Wyteleg Thoma de Glapwell et aliis Erit autem bladum supradictum de meliori quod crescit in ipsa terra excepto semine eiusdem terre et erit bene ventatum