Charter Document - 05880046
| Charter Number: | 05880046 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Symon filius Hugonis de Glapwelle dedi concessi et hac presenti carta mea confirmaui Jordano de Huyteleye et heredibus suis uel suis assignatis quandocumque legare voluerit uel assignare tam in firmitate quam in sanitate tam in lecto mortali quam alibi unum asartum cum quodam prato et bosco in campo de Glapwelle illud scilicet asartum quod Andreas filius Rogeri cum bosco et prato de me tenuit in vilenagio in eadem uilla iacens iuxta communem pasturam de Glapwelle ex una parte et iuxta terram meam ex altera parte Et buttat super culturam meam versus orientem et super culturam dicti Jordani versus occidentem Habendum et tenendum dicto Jordano et heredibus suis uel suis assignatis libere quiete pacifice et integre cum omnibus pertinenciis que ad dictam terram cum bosco et prato pertinent uel pertinere possent Reddendo inde anuatim mihi et heredibus meis unum obolum tantum ad Natale domini pro omni seruicio seculari exactione et demanda Et pro secta curie et pro wardiis et releuiis et achatis et pro omnibus huiusmodi casibus que contingere possent Ego vero dictus Symon et heredes mei dictum asartum dicto Jordano et heredibus suis uel suis assignatis cum prato et bosco et [omni]bus aliis pertinenciis contra omnes homines et feminas inperpetuum warantizabimus et in omni defendemus Pro hac donacione et carte m[ee confirmatione dedit mihi] dictus Jordanus xxviii solidos pre manibus sterlingorum Et ut hec mea donacio et concessio et carte confirmac[io] presenti scripto sigillum meum apposui Hiis testibus Jocelno de Steynesbi Alano [de Ro]dmerathweit Willelmo de Leke Roberto de Brette Roberto de Bateleye Ricardo de Grangia Roberto le Graunt Roberto filio Alani de Glapwelle Willelmo Harang et aliis