Charter Document - 05880044
| Charter Number: | 05880044 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1268 |
| Date type: | Internal, A.D., Feast |
| Resource Link(s): |
|
Charter:
Hec est conuencio facta inter dominum Willelmum abbatem de Derleya et eiusdem loci conuentum ex una parte et Simonem filium Hugonis de Glappewell ex altera parte Videlicet quod dictus Simon dimisit et concessit et presenti scripto suo confirmauit dictis abbati et conuentui unam culturam terre arabilis in campo australi de Glappewell iacentem en Sutthelondes inter terram domine Cecilie matris dicti Simonis quam habuit de dote sua et habuttat super assartam Roberti Hunte versus occidentem Et unam foveram iacentem iuxta croftum dictorum abbatis et conuentus et habuttat super viam que ducit versus Bolleshouer Tenendam et habendam dictis abbati et conuentui usque ad terminum viginti annorum continue completorum cum omnibus pertinenciis libertatibus et aysiamentis suis libere quiete bene et in pace pro omni seculari seruicio exactione et demanda termino incipiente ad festum sancti Michaelis anno gratie MCCLX octauo Predictus vero Simon et heredes sui uel sui assignati totam predictam terram cum pertinenciis suis sicut predictum est prefatis canonicis usque ad predictum terminum plenarie completum contra omnes gentes warantizabunt acquietabunt et in omnibus defendent In cuius rei testimonium est presens scriptum in modum cyrograffi inter eos confectum et sigillis eorum alternatim munitum Hiis testibus Jocelino de Steynesby Willelmo de Leyk Willelmo de Ufton Jordano de Glappewell Willelmo de Hokenhalle Roberto Hunte Ricardo sub monte de Glappewell et aliis