Charter Document - 05880041
| Charter Number: | 05880041 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Simon filius Hugonis de Glapwell dedi concessi et hac presenti carta mea confirmaui deo et ecclesie beate Marie de Derleya et canonicis ibidem deo seruientibus sex acras terre cum pertinenciis in territorio de Glapwell videlicet tres acras cum pertinenciis in campo australi duas scilicet acras que iacent inter terram matris mee quam Rogerus filius Ernaldi aliquando tenuit et terram eiusdem matris mee quam tenuit in dotem et unam acram iuxta terram dictorum canonicorum que vocatur Wodecokesacre et unam acram que uocatur Maydenegreue et unam acram subtus collem propiorem terre quam habuerunt de Thoma filio Willelmi de Glapwell et dimidiam acram de cultura mea que uocatur Flodrewong ex parte orientali iuxta terram quam Ysabell vidua tenuit et unam dimidiam acram super quam croftum eorum abuttat foveram scilicet ad capud ville uersus Bollesouere et unam acram terre iacentem inter terram dictorum canonicorum ex parte una et terram Roberti clerici ex altera et abuttat super uiam uersus Bollesouere et tendit usque in forlanges que uocantur Losk et dimidiam acram iacentem inter terram dictorum canonicorum et terram Rogeri Wysdom scilicet in le Forlanges et abuttat super uiam regalem Notingh Preterea dedi concessi et presenti carta mea confirmaui prefatis canonicis et eorum successoribus in perpetuum redditum duodecim denariorum quos abbas et conuentus de Bello Capite debebant annuatim soluere michi et heredibus meis de una bouata terre cum pertinenciis suis in villa de Glapwell quam habuerunt de dono Symonis de Glapwell aui mei Tenendam et habendam eisdem canonicis et eorum successoribus in perpetuum in liberam puram et perpetuam elemosinam quietam et solutam ab omni seruicio seculari exaccione et demanda cum omnibus pertinenciis libertatibus et aysiamentis ad tantam terram pertinentibus infra uillam et extra Ego uero Symon et heredes mei totam predictam terram cum omnibus pertinenciis suis et predictum redditum duodecim denariorum prefatis canonicis et eorum successoribus ut liberam puram et perpetuam elemosinam contra omnes gentes warantizabimus adquietabimus et in perpetuum defendemus In cuius rei robur et testimonium presenti scripto pro me et heredibus meis sigillum meum apposui Hiis testibus Radulfo de Reresby Willelmo de Leyk in Scardecl Willelmo filio Thome de Walleg Jordano de Glapwell Thoma filio Willelmi de eadem Roberto filio Alani de eadem Henrico de Wytteleg et aliis Datum anno regni regis Henrici filii regis Johannis quadragesimo quarto