Charter Document - 05880039
| Charter Number: | 05880039 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1200 - 1225 |
| Date type: | Assigned |
| Resource Link(s): |
|
Charter:
Omnibus qui hanc cartam audierint Johannes de Eynecurt et sponsa sua Matildis de Belev salutem in domino Sciatis nos relaxasse et quietos clamasse Simoni filio Hugonis de Glapwella et heredibus suis a nobis et heredibus nostris in perpetuum illos duodecim denarios quos idem Simon nobis pro multura et omnibus operibus illius bouate terre quam de eo canonici de Beauchef pro tribus solidis tenere solebant et eosdem duodecim denarios nos dedisse et hac carta nostra confirmasse predictis canonicis de Beauchef in liberam et quietam et puram et perpetuam elemosinam pro salute animarum nostrarum et heredum nostrorum et patrum et matrum nostrarum et omnium antecessorum nostrorum Ita quod predictam bouatam terre cum omnibus pertinentiis suis teneant pretaxati canonici de Beauchef libere et quiete honorifice et pacifice de prefato Simone et heredibus suis in perpetuam firmam reddendo eidem Simoni et heredibus suis duos solidos argenti duobus terminis scilicet duodecim denarios ad Pentecosten et duodecim denarios infra octabas sancti Martini pro omni seruicio et exactione et consuetudine sibi et heredibus suis et nobis et heredibus nostris pertinente Saluo domini regis forense seruicio Hiis testibus Willelmo de Lundres Ricardo de Glapwella Radulfo filio Ricardi de Bramtona Waltero filio Rogeri de eadem villa Willelmo de Kenottinc Willelmo de Stanleya Thoma filio Willelmi Brun Willelmo de Kiuetun Alano de Markebi et pluribus aliis