Charter Document - 05880038
| Charter Number: | 05880038 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens carta peruenerit Symon filius Hugonis de Glapwella salutem in domino Sciatis me concessisse et dedisse et hac mea presenti carta confirmasse abbati et conuentui de Beauchef unam bouatam terre cum omnibus pertinentiis suis in territorio de Glapwella quam Rogerus filius Willelmi michi post mortem patris mei queetam clamauit et pro mesuagio illi bouate pertinente unam acram terre que vocatur Presthacra et pasturam auariis uni caruce pertinentibus et pasturam sexaginto matricis quibus cum toto exitu earum donec a matribus separetur et tunc remouebitur exitus semper singulis annis ad Pentecost remanente numero predictarum ouium Et communam per omnia uni libere bouate terre pertinentem in bosco in plano in uiis et semitis in aquis et in omnibus aisiamentis ad feudum de Glapwell pertinentibus in quibus ego communico Tenendam et habendam de me et heredibus meis libere et quiete honorifice et pacifice ad perpetuam firmam reddendo mihi et heredibus meis per annum duodecim denarios argenti duobus terminis scilicet vi denarios ad Pentecost et vi denarios infra octabas sancti Martini pro omni seculari seruicio et consuetudine et exactione saluo domini regis seruicio uni bote pertinente Hec uero prelibata predictis abbati et conuentui de Beauchef ego et heredes mei pro predicta firma contra omnes homines adquietabimus et warantizabimus Pro hac autem donatione et concessione et confirmatione dederunt michi abbas et conuentus xx solidos argenti de Gersum Hiis testibus Johanne de Heincurt Roberto de Brimintun Simone fratre suo Ricardo de Galpwella Rogero clerico de eadem villa et Roberto fratre eius et multis aliis