Charter Document - 05880034
| Charter Number: | 05880034 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
|
Charter:
Omnibus tam presentibus quam futuris Hugo filius Rogeri de Glappuwell salutem in domino Nouerit uniuersitas uestra me dedisse et concessisse et hac mea carta confirmasse Roberto filio meo pro homagio et seruitio suo duas bouatas terre in Glappuwell quas Auice et Itho tenuerunt cum pertinentiis suis et cum omnibus asiamentis que pertinent ad meam terram de Glappuwell consensu et bona uoluntate Simonis heredis mei qui ex prenominata terra humagium Roberti fratris sui recepit et omnia illi ut fratri et homini suo que dedi illi diligenter concessit sibi et heredibus suis tenendas de me et heredibus meis libere et quiete pro omni seruitio saluo forinseco reddendo annuatim mihi uel heredibus meis i calcaria uel vi denarios ad Pascha Hiis testibus domino priore de Nouo Loco Roberto de Brantest Radulfo Barre Serlone Barre Galfrido de Boitorp Petro capellano Rogero clerico Reginaldo clerico et uillata de Glappuwell et multis aliis