Charter Document - 05880028
| Charter Number: | 05880028 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1277 |
| Date type: | Internal, A.D., Feast |
| Resource Link(s): |
|
Charter:
Uniuersis Christi fidelibus hoc scriptum visuris uel audituris Thomas filius Willelmi de Glapwell salutem in domino Nouerit uniuersitas vestra me remisisse et omnino quietum clamasse pro me et heredibus meis in perpetuum religiosis viris abbati et conuentui de Derl omnes actiones querelas et demandas michi uel heredibus meis qualitercumque competentes racione terrarum reddituum et tenementorum cum pertinenciis suis que habent in villa et territorio de Glapwell ex donacione seu vendicione mei uel antecessorum meorum Ita quod ego uel heredes mei seu aliquis alius nomine nostro nichil omnino iuris clamii uel demande in predictis terris redditibus et tenementis habere uel vendicare poterimus imperpetuum Ut autem hec remissio et quieta clamacio perpetue firmitatis robur optineat pro me et heredibus meis presenti scripto sigillum meum apposui Et insuper tactis sacrosanctis euangeliis corporale sacramentum prestiti quod nunquam contra dictos religiosos viros occasione predictorum tenementorum placitum molestiam uel querelam mouebo nec moueri aliquatenus patrabo Valete Actum apud Derl in festo Natiuitatis beate Marie anno gratie MCC septuagesimo septimo