Charter Document - 05880024
| Charter Number: | 05880024 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus hoc scriptum visuris uel audituris Thomas filius Willelmi de Glapwell salutem in domino Nouerit uniuersitas vestra me obligasse religiosis viris abbati et conuentui de Derl omnes terris et omnia tenementa quas et que habui et tenui in villa et territorio de Glapwell die sancti Michaelis anno gratie MCC septuagesimo quinto ad refundendum et restituendum integraliter eisdem omnes sumptus et expensas labores et dampna si quas uel que fecerint aut incurrerint occasione ingressus et seysine capiende et habende in quadam placia bosci et pasture cum pertinenciis in territorio de Glapwell que vocatur le Fal et in duabus acris terre cum pertinenciis que vocantur de Suthlondes quas quidem una cum predicta placia eisdem religiosis in puram et perpetuam elemosinam confirmaui Subieci insuper me et omnia bona mea predicta iurisdictioni et potestati vicecomitis Notingh et Derb et officalis archidiaconi Derb qui pro tempore fuerint ut ipsi uel alter eorum possint uel possit me compellere quacumque voluerint cohercione sine strepitu iudiciali ad istam obligacionem in omnibus articulis suis plenarie et fideliter obseruandam Renunciando in premissis omnibus pro me et heredibus meis omni appellacioni exceptioni regie prohibicioni priuilegiis crucesignato indultis uel indulgendis et omnibus iuris remediis tam canonici quam ciuilis impetratis uel impetrandis michi uel heredibus meis contra premissa qualitercumque valituris In cuius rei robur et testimonium pro me et heredibus meis presenti scripto sigillum meum apposui Valete Datum die dominica proximum post festum sancti Dionisii anno supradicto