Charter Document - 05880018
| Charter Number: | 05880018 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Ricardi de Glapwell dedi concessi et presenti carta mea confirmaui deo et ecclesie beate Marie de Derleya et canonicis ibidem deo seruientibus totam tertiam partem illius culture in campis de Glapwell que iacet inter domos dictorum canonicorum et culturam Simonis filii Hugonis Et totam tertiam partem illius culture que iacet iuxta uiam que tendit uersus Pleseleyam et abbuttat super toftum dictorum canonicorum quod toftum capellanus eiusdem ville aliquando tenuit Illas scilicet tercias partes duarum dictarum culturarum quas Cecilia relicta Hugonis de eadem villa aliquando tenuit Et unam acram terre in cultura que uocatur Loske proximam culture dicti Simonis Tenendas et habendas dictis canonicis in liberam puram quietam et perpetuam elemosinam cum omnibus pertinenciis libertatibus et aysiamentis suis infra villam et extra Ego uero et heredes mei warantizabimus adquietabimus et defendemus omnes predictas terras cum omnibus pertinenciis suis prefatis canonicis contra omnes homines in perpetuum In cuius rei testimonium huic scripto sigillum meum apposui Hiis testibus Simone filio Hugonis de Glapwell Radulfo filio Simonis de eadem villa Willelmo filio Willelmi de Scardecliue Rogero de Sumerford Willelmo le Luy Jordano de Ybul Willelmo de Normanton Nicholao et Johanne de Lowes et aliis