Charter Document - 05880010
| Charter Number: | 05880010 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1216 - 1230 |
| Date type: | Assigned |
| Resource Link(s): |
|
Charter:
Omnibus Christi fidelibus hoc scriptum visuris uel audituris Andreas filius Ricardi de Glapwell salutem in domino Noueritis me confirmasse Ricardo filio Symonis de Glapwell capellano duas bouatas terre cum omnibus pertinentiis in territorio de Glapwell quas emit de Thoma Basset illas scilicet quas idem Thomas tenuit de me libere per seruitium quinque solidorum annuorum Tenendas et habendas sibi et heredibus suis uel cui voluerit assignare de me et heredibus meis pro homagio et seruitio suo libere et quiete et pacifice Reddendo inde annuatim mihi et heredibus meis quinque solidos ad duos terminos videlicet ad festum sancti Martini duos solidos et vi denarios et ad Penthecosten duos solidos et vi denarios pro omni seruitio et exactione saluo forinseco Et ego Andreas et heredes mei warantizabimus predicto Ricardo et heredibus suis uel cui assignauerit predictas bouatas terre contra omnes gentes Et in huius confirmacionis testimonium presenti scripto sigillum meum apposui Hiis testibus domino Johanne Deincurt milite domino Rogero de Sidenhal milite Radulfo le Poher Roberto le Vauassur tunc senescallo de feodo Peuerel Hugone de Walet Roberto fratre eius Nicholao de Mennil Hugone de Glapwell filio Symonis Radulfo fratre eius Radulfo filio Ricardi de Hertestoft Radulfo Briton Waltero Sisdeners Henrico tunc uicario de Hokenhale et aliis