Charter Document - 05870104
| Charter Number: | 05870104 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Lay |
| Charter Type(s): | Petition |
| Date: | 1304 |
| Date type: | Internal, Regnal |
| Resource Link(s): |
|
Charter:
Ad petitionem Burgensium Novi Castri super Tynam petentium remedium de hoc quod Prior de Tynemuth habet ex concessione regis unam feriam ibidem ad festum S Oswini in autumno duraturam per xv dies in prejudicium dicte ville et burgensium ibidem et exheredationem regis ut dicunt eo quod naves diversis mercimoniis carcate que venire solebant apud dictam villam Novi Castri et unde rex cepit custumam et muragium nunc discarcantur apud Tynemuth et mercimonia venditioni exponuntur eo quod locus est propinquior portui de Tyne quam dicta villa Novi Castri qui quidem portus pertinet ad regem Et sic accressit dicto Priori portus mercimoniis carcatus et discarcatus et venditiones panis vini et cervisie in prejudicium regis et ipsorum burgensium damnum immensum Et unde dictus Prior anno XIX regis hujusmodi ad sectam dictorum burgensium per considerationem perdidit [] coram rege Ita responsum est Habeant breve de Cancellaria quod partes veniant coram Rege in quindena Pasche ubicumque tunc fuerit in Anglia Et quod homines ville Novi Castri et Prior de Tynemuth similiter habeant tunc ibidem cartas suas de libertatibus Et quod illi de Novo Castro interim sequantur versus Gilbertum de Roubiry quod tunc habeant ibidem processum et judicium prius inde factum coram Rege in Parliamento suo []
Source (click image below to view full size)
