Charter Document - 05870084

Reverendo patri in Christo Domino Radulpho de Dunham Dei gratia Priori de Tyneme [et] ejusdem loci sacro conventui Frater Robertus dictus de Dunelmo humilis monachus de Kilchow eternam in Domino salutem Multum re graciam vobis de hospitalitate nobis in domo vestra curialiter exhibita mihi scilicet et socio meo Placuit curialitati vestre in ipso convivio et confabulatione narrare talia scilicet invenisse vos ossa menta cujusdam viri magne stature et alterius minoris que putabatis esse ossa menta venerabilis Regis quondam Scotorum Malcolomi et ejus filii unde petebatis a me ut si in aliquo codice autentico certum aliquid de hoc invenire potuissem qualiter obierit vel ubi sepultus fuerit vobis litteratorie certifica rem In Danorum historia sic reperi Rex Scocie Malcolmus et primogenitus filius ejus Eduuardus cum suis exercitibus in Northumbriam die festivitatis Sancti Bricii a militibus Roberti Northumbrorum comitis occisi sunt In cujus morte justicia judicantis Dei aperte consideratur ut videlicet in illa provincia cum suis interiret quam sepe ipse vastare avaricia stimulante consuevit Quinquies cum namque illam atroci populacione atrivit et miseros indigenas in servitutem redigens abduxit captives semel Eaduuardo regnante Egeluinlino episcopati Dunelmi quum Tosti Comes Northumbrorum prefectus Rome fuerat iterum regnante Wilelmo sub eodem episcopo Egelwyno [] et Clivelande depopulatus est tertio regnante eodem Rege Wilelmo sub Walchero Episcopo usque Tinam progressus post cedes hominum et concremaciones locorum multa cum preda revertitur quarto regnante Wilelmo juniore Wilelmo regente episcopatum Dunelmensem cum suis copiis infinitis usque Cestriam pervenit omnino intendens ulterius progredi sed ordinata contra eum militari manu non multa metu ipse citius revertitur quinto cum omni quo potuit exercitu in ultimam deducturus desolacionem Northumbriam invasit sed juxta flumen Alne perimitur a Morello milite strenuissimo cum primogenito suo Eaduuardo quem heredem regni post se disposuerat Exercitus illius vel gladiis confoditur vel qui gladios fugerunt inundacione fluminum que tunc pluviis hyemalibus plus solito excreverant absorpti sunt corpus vero Regis et cruentissimi carnificis cum suorum nullus remaneret qui terra illud cooperiret duo ex indigenis carro impositum in Tinemuthe sepelierunt Sicque factum est ut ubi multos vita et rebus et libertate privavit ibidem ipse judicio Dei vitam simula cum rebus amitteretur ista igitur vobis significare curavi quod corpus ejus penes vos constat esse humatum Cujus anime si vobis placet precibus subveniatis et ossa menta in decentiori loco sicut pollicebar [] locari faciatis Vivenda lete per tempora longa Valete [] Cujus morte cognita Regina Scotorum Margareta tanta affecta est ictericis ut subito in magnam incideret infirmitatem Nec mora presbyteris ad se vocatis ecclesiam intravit eisque sua peccata confessa oleo se perungite celestique muniri viatico fecit Dominum assiduis precibus exorans ut in hac erumnosa vita diutius illam vivere non permitteret Nec multo tardius exaudita est nam die tertio post Regis occisionem soluta carnis vinculis ut creditur ad gaudia transivit eterne salutis