Charter Document - 05870082
| Charter Number: | 05870082 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1260 |
| Date type: | Assigned |
| Resource Link(s): |
|
Charter:
Reverendo patri in Christo domino W Dei gratia Dunelmensi episcopo J permissione divina Abbas de Sancto Albano et ejusdem loci conventus salutem presentis vite et future in Domino sempiternam Ne vitium ingratitudinis beneficii accepti incurrere tanquam ingrati videamur sancte paternitati vestre humiliter assurgentes super omnibus bonis nobis et monasterio nostro a vobis caritative impensis plenas gratias in eo qui benefacientibus multa majora retribuit quam valeant promereri sancte paternitatis vestre pedibus referimus inclinati Et ne forte aliqui sinistri interpretes vos pretextu placiti moti inter vos et nos in curia domini regis contra nos valeant commovere dominationi vestre presentibus duximus significandum quod salvo statu debito monasterii nostri [quem conniventibus oculis pertransire non valemus] super predicta contentione quam plurimum condolemus et dampna vestra et incommoda nostra propria reputantes et futura pericula que evenire poterunt nisi pacis concordia inter nos prius reformetur sollicite considerantes hinc est quod ad vos dilectos fratres nostros W de Horton et J de Bolum ad reformandam pacem bonam et honestam destinamus dilectam paternitatem vestram exhortantes in Domino quatenus equitatis gratiam pie considerantes ita ecclesie nostre et monasterio nostro in hac parte prospiciatis ut neutrum eorum consilio malignantium jure suo defraudetur scilicet utramque super premissis plena securitate congaudens occasionem litigandi non inveniat in futurum valeat dominatio vestra semper in Domino
Source (click image below to view full size)
