Charter Document - 05870081
| Charter Number: | 05870081 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1258 |
| Date type: | Internal, Regnal |
| Resource Link(s): |
|
Charter:
Henricus Dei gratia [] Vicecomiti Eboraci [] Ostensum est nobis ex parte Abbatis de Sancto Albano quod cum sepissime injunctum et inhibitum sit episcopo Dunelmensi quod non traheret vel distringeret ipsum Abbatem et nec homines suos de Karlebiri et de Mortuna ad placitandum coram justiciariis vel ballivis ipsius episcopi extra libertatem suam et contra tenorem cartarum predecessorum nostrorum regum Anglia quas idem Abbas habet et que priores sunt usu et tempore libertate ipsius episcopi ut dicitur et ipsi abbati et hominibus suis pacem habere permitteret donec indempnitati et conservationi tam ipsius episcopi quam predicti abbatis libertatis in curia nostra coram nobis plenius fuisset prospectum et donec placitum quod est in curia nostra coram nobis inter eos fuisset certificatum dictus episcopus spreta inhibitione nostri et denunciacione ei facta sepissime tam per nos quam per te ex precepto nostro dictis abbati et hominibus suis contra fidem suam in qua nobis de jure tenetur et contra libertatem predicti abbatis dampna plurima et graviora de die in diem inferre non desistit contra prohibitionem nostram et contemptum mandati nostri et regie dignitatis et de novo mala malis ei recumulando per ballivos et homines suos frangi fecit domum hominum dicti abbatis et prioris sui de Thinemua apud Mortonam et in curia sua tenuit contra libertatem predicti abbatis priorem predictum et quosdam alios de libertate predicti abbatis dissaisivit et contra pacem nostram quos incarceravit occasione contentionis predicte et eo quod venerunt ad predictam libertatem Sancti Albani vendicandam et illos adhuc in carcere detinet ut dicitur Et ideo tibi precipio quod scire facias eidem episcopo quod pacem habere faciat predictis abbati et priori scilicet et hominibus prioris occasione predicta captos sine dilatione deliberari et nisi fecerit tunc distringas predictum episcopum per omnes terras et catalla sua in balliva tua quod sit coram nobis a die Pasche in tres septimanas ubicunque fuerimus in Anglia ad respondendum predicto a[bbati] tam de predicta transgressione quam de aliis de quibus prius in curia nostra coram nobis conquestus est et nobis similiter de pluribus contemptibus nobis factis et regie dignitati nostre et habeas ibi hoc breve Teste N de Turri apud Windelsoram XXVIJ die [] anno regni nostri XLIJ
Source (click image below to view full size)
