Charter Document - 05870078
| Charter Number: | 05870078 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1257 |
| Date type: | Internal, Regnal |
| Resource Link(s): |
|
Charter:
Henricus Dei gratia [] Waltero eadem gratia episcopo Dunelmensi salutem Cum Willielmus de Craystok abbatem de S Albano super advocatione ecclesie de Kunesclive per breve vestrum implacitet coram vobis et idem abbas in curia vestra coram justiciariis vestris excipiendo proponat se non debere inde in curia illa respondere eo quod per cartas predecessorum nostrorum regum Anglie quietantiam clamat ne trahatur in placitum de aliquo tenemento suo nisi coram nobis vel speciali mandato nostro que quidem libertas usu et tempore libertate vestra prior existit ut dicitur Super quo quidem placito inter vos et dictum abbatem questio pendet coram nobis prefatus Willielmus nos et curiam nostram suppressa veritate circumveniens literas nostras vobis directas postmodum optinuit ut eidem in placito predicto celerem faceretis justitiam exhiberi Et quod recolimus nos vobis nuper inhibuisse ne in placito illo in curia vestra procederetur donec discussum esset coram nobis de prioritate libertatum vestrarum hinc inde vobis sicut alias mandamus quod cognitioni predicti placiti supersedeatis et justiciarios et ballivos vestros supersedere faciatis quousque indempnitati et conservationi predictarum libertatum in curia nostra plenius fuerit prospectum Teste meipso apud Westmonasterium XXV die Maii anno regni nostri XLI
Source (click image below to view full size)
